tg-me.com/Coffe_16/6675
Last Update:
عندي طالبة 12 سنة مقيمة في امريكا لكن من الهند بقالنا حوالي 3 شهور في سورة القلم بسبب ضعف مستواها في العربي والمخارج عندها مش مظبوطة بقولها انهاردة بهزار كده إحنا لما نخلص سورة القلم هنعمل احتفال في مصر واحتفال في أمريكا... راحت عيطت وقالت لي انا حلمي في الحياة هو أني أخلص سورة القلم، هو انا ليه متخلقتش بعرف أقرأ القرآن بسهولة زيك كده !
والدة طالبة أخرى كنديه بتحكيلي روحت أعمل عمرة في مرة والإمام كان بيدعي ويبكي من الخشوع وأنا ببكي لأني مش عارفه افهم هو بيقول ايه وفقط انتظر الناس حولي يقولوا آمين فأردد معهم آمين.
من سنتين سكنت مع بنت فرنسية، في مدينة نصر كانت يوم الجمعه بتصحي الساعه 2 بليل تبدأ تقرأ في سورة الكهف لحد الساعه 7 الصبح وماكنتش بتقدر تخلصها...
كنت في دار بردو قبل كده وواحده من الصين بتقرأ القرآن كويس جدا ما شاء الله بالتجويد كمان فقولت لها دي حاجة جميلة يعني أنك بتعرفي تقرأي بالتجويد ما شاء الله راحت قالتلي
" رزقت بنعم كثيرة في حياتي لا استطيع ان احصيها،، ولكن اعظم ما أعطاني الله هو ان جعلنى اعرف كيف أقرأ القرآن "
إحنا في أيدينا كنز والله ياخوانا إنك تقدر تفتح المصحف وتقرأ في أي وقت دي نعمة كبيرة
هما بيمسكوا المصحف يحضنوه ويدعوا ربنا يمن عليهم بقراءته قراءه سليمة يوماً ما
إحنا بنقرأ سورة الكهف في تلت ساعه مثلا مش في 7 ساعات !
إحنا نعم ربنا مغرقانا والله :')) الحمدلله على نعمة الاسلام الحمدلله على نعمة القرآن الحمدلله على نعمة اللغة العربية الحمدلله على نعمة أننا بنعرف نقرأ
الحمدلله ليلا ونهارا 💖💖
Hager Ebrahim
BY ₡Ỗբբẽ |`☕️
Warning: Undefined variable $i in /var/www/tg-me/post.php on line 280
Share with your friend now:
tg-me.com/Coffe_16/6675